Novas

A directora da Escola Galega de Administración Pública, Sonia Rodríguez-Campos, inaugurou esta tarde as "Xornadas sobre crise e reestruturación financeira", que se desenvolverán entre hoxe e maña na Escola e que contarán coa presenza de importantes expertos en economía e dereito internacional.

A Escola Galega de Administración Pública, dentro do Plan de Formación do 2013 para o persoal da Administración autonómica, convoca 1000 prazas de acceso libre das materias integradas no Plan formativo ofimático de Galicia.

A Escola Galega de Administración Pública, en colaboración coa Secretaría Xeral de Política Lingüística, convoca os cursos de linguaxe administrativa galega, nivel medio e superior, para o persoal da Administración autonómica de Galicia.

A Escola Galega de Administración Pública pon en marcha unhas xornadas nas que se analizarán as consecuencias financeiras, económicas e sociais da actual crise. Nelas, levarase a cabo un debate de ideas sobre o núcleo desta situación, co obxecto de mellorar a comprensión non só das dificultades financeiras, senón tamén dos problemas institucionais que implica.

Debido ao reducido número de solicitudes presentadas para o curso “FC13013 Actualización normativa en materia de consumo: Lei 2/2012, do 28 de marzo, galega de protección xeral das persoas consumidoras e usuarias” a EGAP abre un novo prazo de matrícula para as edicións de Santiago de Compostela, A Coruña, Lugo, Ourense e Vigo. O prazo de presentación de solicitudes comeza o 5 de marzo ás 8.00h e remata o día 15 ás 14.00h.