Novas

O DOG de hoxe, 7 de xaneiro, publica a convocatoria de dous cursos para obter o diploma de directiva ou directivo da Xunta de Galicia; un deles destinado ao persoal da Administración autonómica e outro dirixido ao das entidades locais.

A EGAP reforzará a formación para os empregados públicos da Administración autonómica cun Plan formativo de 14.814 horas e 392 edicións. Vai dirixido especificamente aos empregados públicos e empregadas públicas destinadas na Administración pública da Comunidade Autónoma de Galicia que se atopen en situación de servizo activo ou en excedencia polo coidado dun fillo ou dun familiar.

A Xunta destacou hoxe a aposta pola formación dos directivos das Asociación de veciños como canalizadores das demandas e necesidades entre os cidadáns, e para facilitar o diálogo coa corporación municipal e cos técnicos do concello.

A Escola Galega de Administración Pública ofrecerá máis de 15.000 prazas formativas para os empregados da Administración autonómica galega no 2013, segundo recolle o plan de formación para o vindeiro ano que foi presentado hoxe pola directora da escola, Sonia Rodríguez-Campos, ao Consello Reitor, que presidiu o vicepresidente da Xunta, Alfonso Rueda.

A Escola Galega de Administración Pública (EGAP) convoca no DOG núm. 233, do 7 de decembro de 2012, o IV Curso de Formación en Administración Local; unha actividade formativa realizada en colaboración coa Dirección Xeral de Administración Local, a Federación Galega de Municipios e Provincias e o Colexio de Enxeñeiros de Camiños, Canais e Portos de Galicia.