Novas

Esta mañá, na Escola Galega de Administración Pública, o conselleiro de Medio Ambiente, Territorio e Infraestruturas, Agustín Hernández, e a directora da EGAP, Sonia Rodríguez-Campos, asistiron ao inicio dun curso de disciplina urbanística dirixido en exclusiva a axentes do Servizo de protección da natureza da Garda Civil e a axentes da Policía Nacional.

A directora da Escola Galega de Administración Pública, Sonia Rodríguez-Campos, inaugurou esta mañá un seminario dirixido a concretar as reformas necesarias para racionalizar e facer máis eficientes as nosas administracións, simplificar o seu funcionamento e, indo máis alá, facer sostible o Estado autonómico no actual contexto. Para iso, contou con xuristas e académicos expertos, en todo caso, nas materias nas que se estruturou o dito seminario.

A Escola Galega de Administración Pública e o Concello da Coruña, a través da sinatura dun convenio, poñen en marcha un curso de Aplicacións informática de tratamento de textos (Microsoft Office 2010) destinado a auxiliares administrativos e auxiliares de atención ao cidadán do Concello da Coruña.

O Colexio Profesional de Enxeñaría en Informática de Galicia (CPEIG), co obxectivo de promover a innovación en aspectos relacionados coa comunicación oral no ámbito empresarial, organiza unha conferencia-obradoiro para fomentar competencias, habilidades e coñecer metodoloxías complementarias que axudarán a coñecer o "poder da palabra".

A Escola Galega de Administración Pública, en colaboración co Colexio Territorial de Secretarios, Interventores e Tesoureiros de Administración Local de Pontevedra (Cosital Pontevedra) e coa Dirección Xeral de Administración Local, poñen en marcha unhas xornadas sobre a incidencia da nova lexislación de costas e ordenación do litoral que teñen como obxectivo analizar os aspectos máis relevantes e innovadores da normativa.