Novas

Tendo en conta os resultados obtidos nas enquisas do ano 2012, a EGAP amosa unha tendencia positiva na satisfacción das súas actividades, pasando dunha valoración media do 4,28 no 2010 a un 4,34 no 2012 (nunha escala de 1 a 5).

A Escola Galega de Administración Pública, debido ao reducido número de solicitudes presentadas para o curso: FC13036 Procedemento administrativo comunitario en materia de infraccións: incidencia en axudas, sancións e elaboración de normas, resolveu abrir un novo prazo de matrícula desde as 12 horas do 20 de marzo ata as 14 horas do 25 de marzo. Esta actividade formativa terá lugar en Santiago de Compostela entre os días 8 e 23 de abril.

Dentro do plan de actividades da Escola Galega de Administración Pública para o ano 2013 convócase o Curso monográfico sobre os retos e as perspectivas do emprego público nun contexto de crise. Esta actividade ten como finalidade analizar a incidencia das medidas estatais contra a crise na Función pública desde unha perspectiva non só económica, senón tamén estrutural.

A Escola Galega de Administración Pública, en colaboración co Colexio Profesional de Enxeñaría en Informática de Galicia (CPEIG), pon en marcha o III Curso de administración electrónica. Esta actividade ten como obxectivo afondar, desde unha perspectiva técnico-xurídica, na concepción da Administración electrónica, incidindo na importancia que ten a súa implantación nas distintas administracións galegas.

A Escola Galega de Administración Pública e a Vicepresidencia e Consellería de Presidencia, Administracións Públicas e Xustiza, a través do Servizo de Prevención de Riscos Laborais e Mugatra Sociedade de Prevención S.L.U., un curso para persoal que traballa en tarefas de prevención e defensa contra incendios forestais.