Novas

A Xunta formará en materia de igualdade e violencia de xénero a 580 profesionais das administracións locais galegas, no marco da EGAP para profesionais da igualdade. A secretaria xeral da Igualdade, Susana López Abella, e a directora da Escola Galega de Administración Pública, Sonia Rodríguez-Campos, presentaron hoxe a convocatoria de accións formativas on-line dirixidas ao persoal técnico dependente das administracións locais galegas.

A Fundación Galicia Europa (FGE) organiza o Seminario "A xestión municipal en tempos de crise: posibilidades de financiamento a nivel europeo" dirixido a concelleiros ou técnicos das distintas entidades locais de Galicia encargados de xestionar fondos ou programas europeos e que teñan unha idea de proxecto innovador no eido do ambiente, a eficiencia enerxética ou as enerxías renovables.

En virtude do convenio de colaboración asinado o 3 de xaneiro de 2013 entre a Escola Galega de Administración Pública (EGAP) e a Axencia Galega de Desenvolvemento Rural (Agader), ambas as entidades poñen en marcha un curso medio de Linguaxe administrativa galega.

En virtude do convenio de colaboración asinado o 25 de xaneiro de 2013 entre a Escola Galega de Administración Pública e o Instituto Galego de Seguridade e Saúde Laboral ponse en marcha o curso sobre prevención de riscos laborais de orixe eléctrica, destinado ao persoal técnico do ISSGA e aos técnicos dos servizos de prevención de riscos laborais da Xunta de Galicia.

A directora da Escola Galega de Administración Pública, Sonia Rodríguez-Campos, inaugurou esta tarde o primeiro dos cursos monográficos programados para este ano pola Escola, titulado "Retos e perspectivas do emprego público nun contexto de crise", ao que se inscribiron máis de 120 persoas.