Novas

GEODEM, Centro de Enxeñería e Innovación para o Desenvolvemento Ambiental cofinanciado pola Universidade de Vigo, ofrece cursos de educación ambiental en colaboración coa EGAP, grazas a un convenio de colaboración asinado entre estes dous organismos. As actividades formativas están relacionadas coa xestión forestal, o desenvolvemento sostible e o impacto ambiental, entre outros.

Unhas 1000 persoas asistiron durante tres días ao congreso internacional sobre psicoloxía clínica organizado pola Asociación Española de Psicología Conductual en colaboración coa Escola Galega de Administración Pública, grazas a un convenio asinado entre as dúas entidades.

Este mércores ás 17 horas, dentro do III Curso de Administración Electrónica organizado pola EGAP en colaboración co CPEIG, Francisco García Morán falará sobre o Contexto político e a organización en Tecnoloxías da Información na Comisión Europea.

A Escola Galega de Administración Pública e o Ilustre Colexio de Avogados de Santiago de Compostela, en virtude do convenio de colaboración asinado o 15 de xaneiro de 2013, poñen en marcha dúas actividades formativas: o Curso de especialización en mediación civil e mercantil para avogados e o Curso sobre xustiza de ricos e xustiza de pobres.

Manuel Arenilla, director do Instituto Nacional de Administracións Públicas, e Sonia Rodríguez-Campos, directora da Escola Galega de Administración Pública, convocaron no día de onte a un grupo de expertos en materia de administración pública para formular propostas de reforma, co obxecto de mellorar a eficiencia administrativa e garantir a sustentabilidade do Estado autonómico no presente contexto.