Novas

Esta tarde reuniuse o consello editorial da Revista Galega de Administración Pública (Regap) coa finalidade de aprobar os contidos do número 61. Parte dos seus membros participaron na reunión de xeito telemático a través dunha sesión de videoconferencia.

A EGAP convoca 70 actividades de formación continua correspondentes ao segundo semestre de 2021 dirixidas ao persoal ao servizo da Administración xeral autonómica de Galicia, da Administración institucional e das entidades públicas instrumentais do sector público autonómico.

A Escola Galega de Administración Pública convoca no DOG do 10 de xuño as subvencións, en réxime de concorrencia competitiva e en réxime de concorrencia non competitiva, destinadas ao financiamento de plans de formación das entidades locais de Galicia para o ano 2021, no marco do Acordo de formación para o emprego das administracións públicas.

No marco do ciclo de conferencias sobre "Presente e futuro do emprego público na Administración pos COVID", a EGAP convoca o webinario "As reformas administrativas poscrise: balance xeral" que terá lugar o 17 de xuño na modalidade de telepresenza.

En tempos de crise, con afectación da economía, as formulacións de reforma e mellora da Administración xeneralízanse como respostas ineludibles. Ao ser positiva a intención de minimizar os efectos negativos deste tipo de situacións, non pasa desapercibido que a maioría das medidas adoptadas, por evidentes e adecuadas en todo momento, necesitasen para a súa implementación un contexto de crise e dificultade.

No marco do programa de actividades do Instituto de Economía Pública de Galicia (IEP), a Escola Galega de Administración Pública convoca o curso monográfico Fondos europeos NextGenerationEU que terá lugar os días 17 e 18 de xuño en Santiago de Compostela.