Novas

Con este vídeo a Escola Galega de Administración Pública quere homenaxear a poeta lucense Xela Arias no Día das Letras Galegas.

A Dirección Xeral de Avaliación e Reforma Administrativa (DXARA), dentro da Semana do Goberno Aberto, organiza un webinario sobre o Plan de mellora da calidade dos servizos públicos que terá lugar o venres 21 de maio no Salón Grande de San Caetano. Esta actividade enmárcase no eixo 5 do propio Plan xeral de xestión e mellora da calidade dos servizos do sector público autonómico de Galicia 2021-2023, que prevé a realización de actividades formativas en materia de xestión da calidade.

A Escola Galega de Administración Pública convoca, no marco do Instituto de Economía Pública de Galicia, o webinario Catro décadas do Estado autonómico: balance e perspectivas desde Galicia que terá lugar o xoves 20 de maio na modalidade de telepresenza.

Convocadas as actividades de formación continua correspondentes ao primeiro semestre do ano 2021 para o persoal ao servizo da Administración xeral autonómica de Galicia, da Administración institucional e das entidades públicas instrumentais do sector público autonómico, rexistrouse un elevado número de solicitudes nalgunhas da actividades formativas que é preciso atender. En consecuencia, a EGAP decidiu responder a esta demanda mediante a realización dunha convocatoria extraordinaria.

A directora da Escola Galega de Administración Pública (EGAP), Sonia Rodríguez-Campos, inaugurou hoxe o Curso superior de Responsabilidade patrimonial da Administración pública e o seu seguro que formará a 60 persoas durante as vindeiras semanas.