Novas

A EGAP e Mugatra convocan un curso de prevención de riscos laborais: primeiros auxilios, loita contra incendios e evacuación co fin de formar os integrantes dos grupos de acción das medidas de emerxencia dos centros de traballo da Xunta de Galicia segundo sinala a Lei 31/1995, de prevención de riscos laborais no seu artigo 20.

A Escola Galega de Administración Pública convoca, en colaboración co Valedor do Pobo e o Consello de Contas de Galicia, un curso superior sobre transparencia, bo goberno e datos públicos coa finalidade de dar a coñecer o novo marco normativo e facilitar a súa implementación dentro das organizacións.

A Escola Galega de Administración Pública convoca un curso superior sobre as leis 39/2015 e 40/2015, do procedemento administrativo común e do réxime xurídico do sector público co obxectivo de analizar e estudar as principais novidades que achegan estas leis e a súa incidencia, entre outros, na organización e o funcionamento da Administración, no réxime xurídico dos convenios, na responsabilidade patrimonial das administracións públicas, nos recursos administrativos ou na tramitación electrónica dos procedementos.

A EGAP convoca dúas actividades en materia enerxética e de rehabilitación para o persoal ao servizo da Administracióna autonómica de Galicia, das entidades públicas instrumentais do sector público autonómico e das entidades locais galega.

A Amtega e o Colexio Profesional de Enxeñaría en Informática de Galicia organizan o próximo 25 de outubro na EGAP unha xornada sobre o regulamento europeo de protección de datos.