Novas

A Vicepresidencia e Consellería de Presidencia, Administracións Públicas e Xustiza, a Escola Galega de Administración Pública (EGAP) e a Axencia para a Modernización Tecnolóxica de Galicia (Amtega) convocan unha actividade formativa de autoformación sobre atención ás vítimas de delito e información ao cidadán destinado a xestores procesuais e administrativos, tramitadores procesuais e funcionarios do corpo de auxilio xudicial destinados nos órganos xudiciais e fiscais da Comunidade Autónoma de Galicia.

Grazas ao convenio de colaboración asinado entre a Escola Galega de Administración Pública e a Deputación Provincial de Ourense, convócanse catro cursos dirixidos ao persoal ao servizo da Administración local de Galicia e, en caso de vacante, ao persoal de Administración autonómica e estatal. Con carácter xeral, darase prioridade no proceso de selección aos solicitantes que presten servizos na Administración local da provincia de Ourense.

A directora da Escola Galega de Administración Pública, Sonia Rodríguez-Campos, asistiu esta mañá na facultade de Dereito da Universidade de Santiago de Compostela á presentación do libro La actualización de la Administración electrónica, dirixido polos profesores Marcos Almeida Cerreda e Luis Míguez Macho. Durante a súa intervención, Sonia Rodríguez-Campos loou esta publicación pola súa labor de análise dos dereitos da cidadanía fronte á Administración electrónica e do papel dos poderes públicos neste contexto.

A Escola Galega de Administración Pública convoca no DOG do 4 de outubro un curso monográfico denominado Atención integral ás persoas residentes en institucións sociais da Administración pública, co obxectivo de acadar ou reforzar estratexias de actuacións para a atención á persoa desde un enfoque bio-psico-social, así como estratexias de intervención integral como a atención psicolóxica, física e relacional.

Co fin de cubrir as vacantes, a Escola Galega de Administración Pública abre un novo prazo de matrícula para dous cursos destinados ao persoal da Administración pública da Comunidade Autónoma de Galicia.