Novas

En virtude do convenio de colaboración asinado entre a Escola Galega de Administración Pública e o Concello de A Coruña, convócase un curso sobre Aplicacións informáticas de tratamento de textos (Microsoft Office 2010) e un curso de Perfeccionamento de xefatura de negociado.

Co fin de cubrir as prazas vacantes, a EGAP abre un novo prazo de matrícula para varios cursos convocados no DOG do 8 de abril (actividades de formación continua de lingua inglesa e alemá) e no DOG do 12 de maio (cursos de formación continua correspondentes ao segundo semestre), todos eles destinados ao persoal da Administración autonómica.

A directora da Escola Galega de Administración Pública, Sonia Rodríguez-Campos, destacou hoxe no Parlamento galego a aposta da Xunta pola formación dos seus empregados públicos como garante dun servizo de calidade.

Expertos xuristas reunidos nunha xornada organizada pola Escola Galega de Administración Pública (EGAP) coincidiron hoxe en Santiago na necesidade de defender unha dimensión e estrutura da Administración local adecuada ás características do asentamento da poboación e compatible coa prestación de servizos públicos en condicións eficientes. A directora da EGAP, Sonia Rodríguez-Campos, inauguraba a xornada esta mañá destacando a importancia da reforma das entidades locais e lembrando que Galicia é, ata o momento, pioneira na fusión de concellos.

A Escola Galega de Administración Pública acolleu esta tarde a primeira das sesións do curso de especialización sobre Dereito de patentes, que foi inaugurado por Sonia Rodríguez-Campos, directora da EGAP; Carlos Lema Devesa, catedrático de Dereito mercantil da Universidade Complutense de Madrid; e Álvaro Porras Rodríguez-Toledano, coordinador do curso.