Novas

A Escola Galega de Administración Pública e a Deputación Provincial de Ourense poñen en marcha cinco cursos de informática destinados ao persoal ao servizo da Administración local de Galicia e, en caso de vacante, ao persoal de Administración autonómica e estatal.

A Escola Galega de Administración Pública (EGAP) e o Colexio Oficial de Arquitectos de Galicia (COAG) poñen en marcha o Curso superior de urbanismo 2015-2016.

O vicepresidente da Xunta, Alfonso Rueda, presidiu hoxe a reunión do Consello Reitor da Escola Galega de Administración Pública (EGAP), onde a directora do centro, Sonia Rodríguez-Campos, presentou un resumo das actividades levadas a cabo por este organismo durante o 2015, que supuxeron un total de 24.192 prazas e 521 edicións formativas entre as que se inclúen cursos de formación continua, cursos monográficos, cursos superiores e de especialización e xornadas.

Cumprindo co compromiso adquirido, a Escola Galega de Administración Pública comeza a publicar os temarios correspondentes aos distintos procesos selectivos convocados no DOG núm. 114, do 18 de xuño de 2015 relativos á quenda de promoción interna.

A Escola Galega de Administración Pública e as consellerías de Traballo e Benestar, Sanidade e de Cultura, Educación e Ordenación Universitaria, a través da sinatura dun convenio de colaboración, poñen en marcha o Plan de formación en atención temperá para o ano 2015, ofertado a través da Secretaría Xeral de Política Social da Consellería de Traballo e Benestar para o persoal dependente das anteditas consellerías así como para o persoal do Servizo Galego de Saúde e dos servizos sociais comunitarios que estean vinculados profesionalmente con servizos e recursos de atención temperá.