Novas

Estas actividades van dirixidas aos empregados públicos e ás persoas que ocupen postos directivos e/ou de responsabilidade ao servizo da Administración xeral da Comunidade Autónoma de Galicia e das entidades públicas instrumentais do sector público autonómico de Galicia enunciadas na letra a do artigo 45 da LOFAXGA. Así mesmo, poderá participar o persoal dependente do Parlamento de Galicia, do Valedor do Pobo, do Consello de Contas e do Consello Consultivo.

Durante dous días trataranse as novas directivas europeas de contratación pública e a Estratexia Europa 2020, a adaptación do Dereito español da contratación pública ás directivas europeas, os desafíos das CC.AA. ante o novo marco europeo de contratación pública, o proceso de mellora permanente na contratación pública e a transposición das novas directivas de contratación pública.

A Escola Galega de Administración Pública abre un novo prazo de matrícula para completar o número de solicitudes do curso FC14173: Habilidades de comunicación e organización de recursos, que terá lugar en Santiago de Compostela entre o 13 e o 23 de outubro.

Grazas ao convenio de colaboración subscrito entre a Escola Galega de Administración Pública e o Colexio Territorial de Secretarios, Interventores e Tesoureiros de Administración Local de Pontevedra para o desenvolvemento de actividades de formación, divulgación e investigación, convócase o Curso sobre as novas instrucións da contabilidade pública local. Este ten como finalidade dar a coñecer as novidades máis relevantes que incorporan as novas instrucións de contabilidade pública local, con especial referencia ao modelo normal.

A Escola Galega de Administración Pública abre un novo prazo de matrícula para completar o número de solicitudes presentadas nas probas de avaliación de carácter libre das actividades formativas que terán lugar do 20 ao 28 de outubro e que foron convocadas no DOG do 27 de febreiro.