Novas

A Escola Galega de Administración Pública, en colaboración co Xurado de Expropiación de Galicia, a Federación Galega de Municipios e Provincias (Fegamp) e a Dirección Xeral de Administración Local, organiza un curso sobre expropiación forzosa e valoracións: procedemento expropiatorio, métodos de valoración e a súa aplicación polo Xurado de Expropiación de Galicia para a determinación do prezo xusto.

A través da sinatura dun convenio de colaboración, a Escola Galega de Administración Pública e o Concello da Coruña poñen en marcha un curso de Sistema Operativo, busca da información: Internet/intranet e correo electrónico destinado en exclusiva aos auxiliares administrativos e auxiliares de atención Cidadá do Concello da Coruña.

A Escola Galega de Administración Pública súmase aos actos de homenaxe ao poeta e tradutor lucense Xosé Mª Díaz Castro coa celebración dun acto literario e cunha viaxe de interese cultural polos escenarios onde transcorreu boa parte da vida do autor agasallado.

A EGAP, a Vicepresidencia e Consellería de Presidencia, Administracións Públicas e Xustiza a través do Servizo de Prevención de Riscos Laborais e Mugatra Sociedade de Prevención S.L.U. poñen en marcha un curso para o persoal que presta servizos na Biblioteca Pública Nodal e no Arquivo Histórico Provincial de Lugo.

A Escola Galega de Administración Pública inicia un curso dirixido a abordar o contido esencial da Lei de racionalización e sustentabilidade da Administración local e a achegar luz sobre aquelas cuestións que necesiten de certa precisión. Ademais, dará a coñecer as solucións articuladas na Lei de medidas urxentes, á cal a Xunta de Galicia deu luz verde no Consello da Xunta o pasado 20 de marzo.