Novas

A Escola Galega de Administración Pública acollerá o próximo 27 de maio o I Simposio Internacional Aprendizaxe-Servizo na Educación Superior: Innovación, calidade e institucionalización que organiza o grupo de investigación Esculca da Universidade de Santiago de Compostela e que estará dirixido ao profesorado das tres universidades galegas.

A Escola Galega de Administración Pública convoca cursos de lingua inglesa, francesa e portuguesa destinados aos empregados públicos destinados na Administración da Comunidade Autónoma de Galicia que se encontran en situación de servizo activo, permiso por maternidade, adopción ou acollemento ou excedencia polo coidado dun fillo ou dun familiar. Así mesmo, os empregados públicos pertencentes a outras entidades, organismos e institucións públicas autonómicas poderán acceder a todas as actividades formativas desta convocatoria nas que queden prazas vacantes.

A Escola Galega de Administración Pública abre un novo prazo de matrícula para o curso FC15038 Administración Pública e loita contra a discriminación: fundamentos europeos e praxe administrativa que terá lugar en Santiago de Compostela do 14 ao 30 de abril.

A Escola Galega de Administración Pública convoca, por segundo ano consecutivo, as subvencións destinadas ao financiamento de plans de formación para o emprego promovidos polas entidades locais de Galicia para o ano 2015, no marco do Acordo de formación para o emprego das administracións públicas (AFEDAP).

A Escola Galega de Administración Pública  publica no DOG núm. 42, do 3 de marzo, a convocatoria de 34 actividades formativas destinadas aos empregados públicos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia en situación de servizo activo permiso por maternidade, adopción ou acollemento ou excedencia polo coidado dun fillo ou dun familiar; e aos membros das bolsas de interinos dos corpos de xestión procesual e administrativa, tramitación procesual e administrativa e auxilio xudicial da Administración de xustiza, dependentes da Comunidade Autónoma de Galicia.