Novas

A Escola Galega de Administración Pública convoca unha xornada titulada “A xustiza que vén” para dar a coñecer, pola natureza dos relatores, as liñas mestras do deseño da xustiza nos próximos anos, tanto na súa organización territorial como funcional, poñendo de manifesto as novidades que presenta a nova lexislación orgánica do poder xudicial e a súa incidencia na actividade de todos os profesionais implicados na xustiza.

A través do convenio de colaboración asinado entre a Escola Galega de Administración Pública e o Instituto Galego de Seguridade e Saúde Laboral convócase un curso sobre Prevención de riscos psicosociais. Identificación e avaliación.

Durante dous días máis de 300 persoas participan en Santiago de Compostela nunha das primeiras actividades formativas en todo o Estado destinada a analizar as novas Directivas de contratación pública. O seu obxectivo é ofrecer unha aproximación inicial a esta nova realidade xurídica, que provocará a reforma da lexislación española, da man de especialistas de alto nivel. Nela trataranse temas como o proceso de mellora permanente na contratación pública, os desafíos das comunidades autónomas ante a nova lexislación ou as similitudes e diferenzas respecto do marco vixente en España.

A través do convenio de colaboración asinado entre a Escola Galega de Administración Pública, a Axencia para a Modernización Tecnolóxica de Galicia e o Colexio Profesional de Enxeñaría Informática de Galicia convócanse os cursos de Introdución a ITIL, Introdución á Administración electrónica e Seguridade da información e protección de datos de carácter persoal.

Coa finalidade de que os alumnos poidan acreditar os coñecementos das materias pertencentes ao programa de autoformación, a EGAP abre o prazo de matrícula para as probas presenciais.