Novas

A Real Academia Galega dedícalle o Día das Letras Galegas de 2015 ao polígrafo pontevedrés Xosé Filgueira Valverde (1906-1996). A EGAP, como institución pública galega, súmase á homenaxe deste galego insigne organizando un acto literario e unha viaxe de interese cultural.

En virtude do convenio de colaboración asinado entre o Centro Informático de Xestión Tributaria, Económico-financeira e Contable (CIXTEC) e a Escola Galega de Administración Pública ponse en marcha un curso sobre Data SharePoint 2010 – Arquitectura, implementación e explotación da intranet da Consellería de Facenda.

Grazas ao convenio de colaboración asinado entre a Escola Galega de Administración Pública (EGAP) e o Instituto Galego de Seguridade e Saúde Laboral (ISSGA) organízase un curso de manipulación de pacientes con mobilidade reducida.

A Escola Galega de Administración Pública acolleu esta mañá unha xornada sobre As futuras leis de procedemento administrativo e de réxime xurídico do sector público á que asistiron máis de 250 participantes. Nela tres recoñecidos expertos do Dereito administrativo analizaron o futuro do ordenamento xurídico da Administración a través das dúas futuras normas nucleares que regularán o sector: o Anteproxecto de lei do procedemento administrativo común das administracións públicas e o Anteproxecto de lei de réxime xurídico do sector público.

A Escola Galega de Administración Pública convoca un curso monográfico que ten como obxectivo analizar, dende unha perspectiva teórica e práctica, como a Administración pública pode e debe contribuír a promover a libre competencia nos mercados, a defensa dos consumidores ante prácticas de competencia desleal e a resolución de conflitos de consumo a través de mecanismos de arbitraxe.