Novas

O secretario xeral para o Deporte, José Ramón Lete Lasa, e a directora da Escola Galega de Administración Pública, Sonia Rodríguez-Campos, clausuraron esta tarde o “Curso de eventos deportivos: aspectos legais, organizativos e económicos”, o cal se celebrou simultaneamente en Santiago de Compostela, Vigo e Ourense a través da modalidade de videoconferencia.

Esta xornada pretende poñer o foco de debate sobre as tensións e os desequilibrios que os distintos países europeos viviron como consecuencia da última recesión económica, o cal pon en evidencia que só a política monetaria non pode corrixir os shocks idiosincráticos dos países membros. A falta de integración fiscal produce desequilibrios cando temos unha soa moeda e dezaoito políticas fiscais diferentes, o que exacerba o risco de contaxio de tensións que se poidan producir nos mercados de débeda e, con iso, a supervivencia da propia moeda única.

A Escola Galega de Administración Pública convoca na modalidade de teleformación un curso de lingua inglesa (niveis A1, A2, B1, B2, C1 e C2) e un curso de lingua alemá (niveis A1, A2, B1 e B2) e na modalidade presencial os cursos Lingua inglesa A1.II e Lingua inglesa B1.II.

Coas accións enmarcadas neste programa formativo achéganse contidos de relevancia para a mellora da cualificación e da capacitación profesional dos traballadores que desenvolven o seu labor no ámbito local, atendendo ás súas necesidades específicas. Así, para deseñar o seu plan de formación partiuse dunha exhaustiva identificación das necesidades formativas, da revisión dos resultados da avaliación das actividades realizadas no 2014 e da vixilancia permanente das actualizacións normativas e procedementais, o cal se traduciu nun incremento da formación naquelas materias que máis contribúen a modernizar a xestión local e a prestar uns servizos de calidade nun marco de proximidade á cidadanía.

A través do convenio de colaboración asinado entre a Escola Galega de Administración Pública e o Instituto Galego de Seguridade e Saúde Laboral ponse en marcha un curso de prevención de riscos laborais en actividades de tempo libre de nivel básico.