Novas

Grazas ao convenio de colaboración asinado entre a Escola Galega de Administración Pública e Mugatra Sociedade de Prevención S.L.U organízase un curso sobre prevención de riscos laborais: primeiros auxilios, loita contra incendios e evacuación (refresco). Esta actividade vai dirixida ao persoal que presta servizos no Laboratorio de Saúde Pública de Galicia e na Xefatura Territorial da Consellería de Sanidade en Lugo.

A Escola rematou hoxe as celebracións relativas ao Día das Letras Galegas cun acto literario dedicado ao polígrafo pontevedrés Xosé Filgueira Valverde ao que asistiron Sonia Rodríguez-Campos, directora da EGAP; Valentín García, secretario xeral de Política Lingüística; e Luis González Tosar, escritor e profesor de lingua e literatura galega.

Curso destinado a ofrecer coñecementos específicos sobre a protección das intervencións a través do dereito de patentes e dos modelos de utilidade. Esta actividade permitirá coñecer cales son os instrumentos xurídicos para defender un dereito de patente e identificar as actividades que se poden prohibir. Así mesmo, amosará os mecanismos xurídicos existentes para determinar quen é o lexítimo titular dunha patente e, de ser o caso, en que circunstancias se pode ceder ou licenciar o seu uso a terceiros.

A Escola Galega de Administración Pública convoca no DOG do 12 de maio 65 actividades de formación continua e 2240 prazas correspondentes ao segundo semestre do ano 2015, dirixidas ao persoal ao servizo da Administración da Comunidade Autónoma de Galicia.

A Escola Galega de Administración Pública acolleu hoxe o inicio dun curso monográfico no que durante dous días se abordarán a competencia e a protección dos intereses dos consumidores.O obxectivo desta actividade é analizar, dende unha perspectiva teórica e práctica, como a Administración pública pode e debe contribuír a promover a libre competencia nos mercados, a defensa dos consumidores ante prácticas de competencia desleal e a resolución de conflitos de consumo a través de mecanismos de arbitraxe.