Novas

Grazas ao convenio de colaboración asinado entre a Escola Galega de Administración Pública (EGAP) e o Instituto Galego de Seguridade e Saúde Laboral (ISSGA) convócase un curso sobre inspección técnica de instalacións en emprazamentos perigosos e un sobre fotografía pericial.

Grazas ao convenio de colaboración asinado entre a Escola Galega de Administración Pública e Mugatra Sociedade de Prevención S.L.U organízase un curso sobre Prevención de riscos laborais: primeiros auxilios, loita contra incendios e evacuación.

A Escola Galega de Administración Pública sube á rede o número 48 da Revista Galega de Administración Pública (Regap) e o número 2 do noveno volume da Revista da Escola Galega de Administración Pública administración & cidadanía.

Co fin de cubrir as prazas vacantes a EGAP abre un novo prazo de matrícula para varios cursos convocados no DOG do 12 de maio (cursos de formación continua correspondentes ao segundo semestre) e no DOG do 2 de marzo (actividades formativas e probas de avaliación de carácter libre que compoñen o Plan formativo ofimático de Galicia), todos eles destinados ao persoal da Administración autonómica de Galicia.

A través do convenio de colaboración asinado entre a Escola Galega de Administración Pública e o Instituto Galego de Seguridade e Saúde Laboral convócase o "Curso de prevención de riscos laborais. Nivel básico", dirixido a empregados, traballadores por conta allea, autónomos, traballadores designados e delegados de prevención, empresarios e aquelas persoas con inquietudes no ámbito da prevención de riscos laborais.