Novas

Co obxecto de impulsar a normalización lingüística na Administración e en colaboración coa Secretaría Xeral de Política Lingüística, a  Escola Galega de Administración Pública pon en marcha 10 edicións e 300 prazas do nivel medio dos cursos Linguaxe administrativa galega e Linguaxe xurídica galega, para o persoal das administracións autonómica e de xustiza.

A Escola Galega de Administración Pública abre un novo prazo de matrícula no curso Lexislación transversal no planeamento urbanístico destinado aos técnicos da Administración autonómica ou local que informen instrumentos de planificación urbanística ou territorial, co fin de cubrir as vacantes existentes nos cursos convocados no DOG do 12 de maio.

De acordo co convenio de colaboración asinado entre a Escola Galega de Administración Pública e a Deputación Provincial de Ourense organízase un curso de contratación administrativa no sector público para o persoal da Administración local de Galicia.

A situación económica que estamos atravesando nos últimos anos motivou unha profunda reflexión sobre a estrutura, competencias e ética na forma de prestar os seus servizos as administracións públicas. Como consecuencia de todo isto, revisáronse un bo número de normas e publicáronse outras que incorporaron innovadoras apostas por mellorar o funcionamento das nosas administracións. A profunda revisión da normativa vén reclamando unha análise polo miúdo das principais novidades.

A Universidade da Coruña organiza as 33 Xornadas de Xerencia, unha iniciativa da CRUE que cada ano lle permite compartir tanto ás universidades públicas como privadas os principais retos xerenciais do noso sistema universitario.