Novas

A directora da Escola Galega de Administración Pública, Sonia Rodríguez-Campos, destacou hoxe no Parlamento galego a aposta da Xunta pola formación dos seus empregados públicos como garante dun servizo de calidade.

Expertos xuristas reunidos nunha xornada organizada pola Escola Galega de Administración Pública (EGAP) coincidiron hoxe en Santiago na necesidade de defender unha dimensión e estrutura da Administración local adecuada ás características do asentamento da poboación e compatible coa prestación de servizos públicos en condicións eficientes. A directora da EGAP, Sonia Rodríguez-Campos, inauguraba a xornada esta mañá destacando a importancia da reforma das entidades locais e lembrando que Galicia é, ata o momento, pioneira na fusión de concellos.

A Escola Galega de Administración Pública acolleu esta tarde a primeira das sesións do curso de especialización sobre Dereito de patentes, que foi inaugurado por Sonia Rodríguez-Campos, directora da EGAP; Carlos Lema Devesa, catedrático de Dereito mercantil da Universidade Complutense de Madrid; e Álvaro Porras Rodríguez-Toledano, coordinador do curso.

A Escola Galega de Administración Pública celebrará o próximo 11 de xuño unha xornada destinada a formular posibles liñas de reforma das entidades locais desde unha perspectiva financeira. Durante esta actividade trataranse polo miúdo a sustentabilidade financeira da administración local, a situación financeira e os proxectos de reforma, o marco constitucional do control financeiro, o desenvolvemento autonómico da Lei 27/2013 e a situación financeira e os proxectos de reforma local en Alemaña.

Grazas ao convenio de colaboración asinado entre a Escola Galega de Administración Pública e Mugatra Sociedade de Prevención S.L.U convócase un curso sobre prevención de riscos laborais (refresco). Esta actividade vai dirixida ao persoal que presta servizos nos seguintes organismos: ISSGA de Lugo, SMAC de Lugo, servizos veterinarios oficiais de saúde pública de Lugo, Audiencia Provincial de Lugo, xulgados de Lugo e Laboratorio de Sanidade e Produción Animal de Galicia de Lugo.