Novas

A Escola Galega de Administración Pública publica no DOG núm. 22, do 3 de febreiro, a convocatoria de 154 actividades de formación continua destinadas aos empregados públicos da Administración autonómica que se atopen en situación de servizo activo, permiso por maternidade, adopción ou acollemento ou excedencia polo coidado dun fillo ou dun familiar. Está exceptuado o persoal docente da Consellería de Educación e Ordenación Universitaria e o persoal sanitario, non entendendo por tales os empregados públicos da Escala de Saúde Pública e Administración Sanitaria creada pola Lei 17/1989.

A Escola Galega de Administración Pública, en colaboración coa Secretaría Xeral para o Deporte, convoca no DOG núm. 20, do 30 de xaneiro, un curso de eventos deportivos. Mediante esta actividade, preténdese achegar aos seus destinatarios as principais cuestións referentes a todo o proceso de planificación, preparación e desenvolvemento dun evento deportivo, facendo fincapé nos aspectos económicos e lexislativos dende un punto de vista eminentemente práctico.

O Plan de formación da Escola Galega de Administración Pública, publicado no DOG do 29 de xaneiro, recolle as actividades formativas dirixidas ao persoal ao servizo da Administración da Comunidade Autónoma, ao persoal ao servizo da Administración de xustiza de Galicia, ao persoal ao servizo das entidades locais de Galicia, e ao persoal de administración e servizos (PAS) das tres universidades galegas (UDC, USC e UVigo). Trátase da primeira vez que a formación dirixida a estes catro colectivos se integra nun único documento.

A directora da Escola Galega de Administración Pública, Sonia Rodríguez-Campos, presentou esta mañá o plan de actividades deste organismo para o ano 2015 durante o Consello Reitor, onde explicou que prevé a convocatoria de 439 edicións formativas e 20.355 prazas para o ano 2015, o que resulta un 9,75 por cento máis de edicións e un 10,27 por cento máis de prazas ca no ano anterior.

O Instituto Universitario de Investigación García Oviedo convoca a primeira edición do "Premio internacional de investigación Instituto Universitario García Oviedo", que ten como obxectivo fomentar a investigación e a súa difusión no ámbito do Dereito administrativo.