Novas

O conselleiro de Facenda e Administración Pública, Valeriano Martínez presidiu hoxe o Consello Reitor deste organismo. Na reunión, tamén participou a súa directora, Sonia Rodríguez-Campos, que explicou o programa formativo previsto para o próximo ano.

A EGAP actualiza o protocolo para o restablecemento da actividade formativa presencial da EGAP así como para o uso específico que das súas aulas realicen outros organismos da Xunta de Galicia que garanta a prevención dos riscos por contaxio polo coronavirus.

O pasado 21 de xaneiro a EGAP convocou o premio de literatura infantil e xuvenil do Día das Letras Galegas como homenaxe ao escritor Ricardo Carvalho Calero. Neste certame participaron máis de 160 rapazas e rapaces galegos de entre 9 e 14 anos que remitiron os seus contos á Escola.

A Escola Galega de Administración Pública actualiza a súa plataforma de teleformación á versión 3.9 de Moodle, o sistema web de ensinanza que permite crear e xestionar espazos de aprendizaxe online. A través desta actualización a EGAP mellorará a experiencia formativa do persoal empregado público de Galicia, dotará aos docentes das ferramentas educativas máis innovadoras e facilitará a administración interna dos cursos.

Do 7 ao 10 de setembro a EGAP realizará unha parada técnica da Aula virtual co fin de mellorar a plataforma e ofrecer ofrecer ao alumnado un espazo de traballo actualizado que permita aproveitar todas as vantaxes da teleformación. De xeito puntual tamén poderá haber cortes na páxina web ou na Zona de matrícula.