Novas

A EGAP en virtude do Convenio de colaboración asinado, con data do 4 de xullo de 2012, coa Axencia para a Modernización tecnolóxica de Galicia (AMTEGA) ten previsto convocar no mes de setembro probas de avaliación de carácter libre das actividades formativas que compoñen o Plan Formativo Ofimático de Galicia para o persoal ao servizo da Administración pública da Comunidade Autónoma de Galicia.

A Consellería do Medio Rural e do Mar aposta por reforzar a calidade na prestación dos servizos, homoxeneizar as taxas por uso de instalacións e incentivar o investimento complementario na posta en marcha do Plan Estratéxico da Náutica Recreativa 2012-2020, que foi presentado publicamente esta mañá na Escola Galega de Administración Pública.

O Consello da Xunta aprobou onte o decreto de nomeamento da profesora de Dereito Administrativo Sonia Rodríguez-Campos como directora da Escola Galega de Administración Pública, cargo en que substitúe a Pablo Figueroa Dorrego, cuxo decreto de cesamento tamén foi aprobado onte no Consello do Goberno galego.

A Escola Galega de Administración Pública (EGAP) convoca no DOG núm. 119, do venres, 22 de xuño de 2012, o Curso superior de técnico de urbanismo correspondente ao ano 2012.

A Escola Galega de Administración Pública (EGAP), ante o interese suscitado pola realización da Xornada sobre Normativa Urbanística para Cargos Electos, convoca, en colaboración coa Dirección Xeral de Administración Local e coa Federación Galega de Municipios e Provincias (Fegamp), un Ciclo de Xornadas Formativas para Cargos Electos da Administración Local, integrado por oito xornadas.