Novas

Coas accións enmarcadas neste programa formativo achéganse contidos de relevancia para a mellora da cualificación e da capacitación profesional dos traballadores que desenvolven o seu labor no ámbito local, atendendo ás súas necesidades específicas. Así, para deseñar o seu plan de formación partiuse dunha exhaustiva identificación das necesidades formativas, da revisión dos resultados da avaliación das actividades realizadas no 2014 e da vixilancia permanente das actualizacións normativas e procedementais, o cal se traduciu nun incremento da formación naquelas materias que máis contribúen a modernizar a xestión local e a prestar uns servizos de calidade nun marco de proximidade á cidadanía.

A través do convenio de colaboración asinado entre a Escola Galega de Administración Pública e o Instituto Galego de Seguridade e Saúde Laboral ponse en marcha un curso de prevención de riscos laborais en actividades de tempo libre de nivel básico.

A Escola Galega de Administración Pública abre un novo prazo de matrícula para dúas edicións do curso FC15138 Lingua francesa nivel A2, que terán lugar en Santiago de Compostela. A primeira edición abranguerá do 14 de abril ao 9 de xuño e a segunda do 2 de setembro ao 2 de decembro de 2015.

En virtude do convenio de colaboración asinado entre o Centro Informático de Xestión Tributaria, Económico-financeira e Contable e a Escola Galega de Administración Pública ponse en marcha un curso sobre xestión dos sistemas de almacenamento.

En virtude do convenio de colaboración asinado entre a Escola Galega de Administración Pública e o Instituto Galego de Seguridade e Saúde Laboral, a EGAP convoca o curso básico de prevención en riscos laborais. Esta actividade vai destinada aos empregados, traballadores por conta allea ou autónomos, traballadores designados e delegados de prevención, empresarios e aquelas persoas con inquietudes no ámbito da prevención de riscos laborais.