Novas

A Escola Galega de Administración Pública, en colaboración coa Axencia para a Modernización Tecnolóxica de Galicia (Amtega), convoca 600 prazas destinadas ao persoal da Administración autonómica para realizar probas de avaliación de carácter libre das actividades do Plan ofimático de Galicia.

A directora da Escola Galega de Administración Pública, Sonia Rodríguez-Campos, e o presidente da Deputación de Ourense, José Manuel Baltar, asinaron hoxe pola mañá un convenio de colaboración que ten coma obxecto a participación nas actividades da Escola do persoal dependente da Deputación Provincial e das entidades locais da provincia de Ourense.

A Xunta de Galicia porá en marcha a partir do vindeiro luns, 10 de setembro, a primeira edición dos cursos de linguaxe administrativa e xurídica en liña de nivel superior, co fin de capacitar lingüisticamente o persoal público.

A directora da Escola informoulle ao Consello Reitor que dende comezo deste ano, a EGAP acolleu un total de 788 actividades formativas que sumaron un total de 23.000 horas. Ademais, os empregados públicos das Administracións autonómica, local e de xustiza puideron optar a un total de 32.822 prazas.

A EGAP publica no Diario Oficial de Galicia do 9 de agosto de 2012 unha convocatoria de accións formativas destinadas ao persoal da Administración de Xustiza de Galicia.