Novas

A Escola Galega de Administración Pública (EGAP) convoca no DOG núm. 136, do martes, 17 de xullo de 2012, o I Curso de Formación en Administración Local; unha actividade formativa realizada en colaboración coa Federación Galega de Municipios e Provincias (Fegamp) e a Dirección Xeral de Administración Local.

O Consello da Xunta aprobou onte o decreto de nomeamento da profesora de Dereito Administrativo Sonia Rodríguez-Campos como directora da Escola Galega de Administración Pública, cargo en que substitúe a Pablo Figueroa Dorrego, cuxo decreto de cesamento tamén foi aprobado onte no Consello do Goberno galego.

A Fegamp, en colaboración coa Consellería de Presidencia, Administracións Públicas e Xustiza, e coa Escola Galega de Administración Pública, convoca o Plan de Formación correspondente ao ano 2012.

En virtude do convenio de colaboración entre a EGAP e a Universidade de Vigo, asinado o 11 de xuño de 2012, infórmase aos interesados sobre o Máster en Ordenación Xurídica do Mercado. Esta titulación ofrece formación xurídica interdisciplinar para licenciados en Dereito, Economía, Administración e dirección de empresas, e Ciencias políticas. A docencia semipresencial permite adaptar o estudo aos horarios de traballo dos interesados ou a outras actividades. Tamén é posible a matrícula a tempo parcial.

GEODEM, centro de Enxeñaría e Innovación para o Desenvolvemento Medioambiental, é unha “spin-off” da Universidade de Vigo que ofrece cursos de formación ambiental avanzada, en colaboración e co recoñecemento da EGAP. Estes cursos de e-learning inciden expresamente en temáticas de carácter ambiental, tales como xestión ambiental, xestión forestal sostible, desenvolvemento sostible, Rede Natura, XIS e responsabilidade social corporativa, entre outros.