Novas

A EGAP en virtude do Convenio de colaboración asinado, con data do 4 de xullo de 2012, coa Axencia para a Modernización tecnolóxica de Galicia (AMTEGA) ten previsto convocar no mes de setembro probas de avaliación de carácter libre das actividades formativas que compoñen o Plan Formativo Ofimático de Galicia para o persoal ao servizo da Administración pública da Comunidade Autónoma de Galicia.

A Escola Galega de Administración Pública (EGAP) convoca no DOG núm. 138, do xoves, 19 de xullo de 2012, o II Curso de Rehabilitación e Revitalización Urbana en Galicia; levado a cabo en colaboración coa Federación Galega de Municipios e Provincias (Fegamp), a Dirección Xeral de Administración Local e o Instituto de Estudos do Territorio (IET).

A Escola Galega de Administración Pública (EGAP) convoca no DOG núm. 138, do xoves, 19 de xullo de 2012, o Curso de Sistemas de Información Xeográfica 2012; unha actividade formativa realizada en colaboración coa Federación Galega de Municipios e Provincias (Fegamp), a Dirección Xeral de Administración Local e o Instituto de Estudos do Territorio (IET).

A Escola Galega de Administración Pública (EGAP) convoca no DOG núm. 138, do xoves, 19 de xullo de 2012, o Curso sobre procedemento expropiatorio: criterios e métodos de valoración empregados polo Xurado de Expropiación de Galicia. Esta actividade formativa será realizada en colaboración co Xurado de Expropiación de Galicia, a Federación Galega de Municipios e Provincias (Fegamp) e a Dirección Xeral de Administración Local.

A Consellería do Medio Rural e do Mar aposta por reforzar a calidade na prestación dos servizos, homoxeneizar as taxas por uso de instalacións e incentivar o investimento complementario na posta en marcha do Plan Estratéxico da Náutica Recreativa 2012-2020, que foi presentado publicamente esta mañá na Escola Galega de Administración Pública.