Novas

A Escola Galega de Administración Pública convoca unha oferta formativa conxunta, dirixida ao persoal ao servizo das administracións territoriais, institucionais e entes públicos instrumentais do sector público da Comunidade Autónoma, ao persoal da Administración de xustiza de Galicia e de administración e servizos (PAS) das tres universidades galegas, en materia de igualdade e prevención da violencia de xénero.

A Escola Galega de Administración Pública, en colaboración co Colexio Oficial de Veterinarios de Lugo, convoca o curso "Funcións do persoal veterinario de explotación en gandarías de vacún" dirixido ao persoal empregado público veterinario colexiado e o resto de persoal veterinario colexiado.  

A Escola Galega de Administración Pública convoca un total de 38 edicións e 1900 prazas dirixidas en exclusiva ao persoal empregado público e ás persoas integrantes das bolsas de interinos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia

A Escola Galega de Administración Pública convoca 41 actividades e 1852 prazas dirixidas ao persoal funcionario de Administración local con habilitación de carácter nacional e o resto do persoal empregado público ao servizo das entidades locais da Comunidade Autónoma de Galicia, que estea prestando servizos noutras administracións públicas de Galicia.

Esta mañá tivo lugar na EGAP a inauguración da Semana da Administración Aberta, na que participou o conselleiro de Facenda e Administración Pública, Miguel Corgos, acompañado do director xeral de Simplificación Administrativa, Jesús Oitavén e da directora da EGAP, Sonia Rodríguez-Campos, que servirá para dar a coñecer á cidadanía en xeral, e aos rapaces en particular, o funcionamento do Goberno autonómico. Tras o acto inaugural, o catedrático de Dereito Administrativo Jaime Rodríguez-Arana ofreceu unha conferencia sobre o dereito cidadán á boa Administración.