Novas

Con motivo da Semana do Goberno aberto, a Escola Galega de Administración Pública, convoca para o próximo luns día 20 de marzo unha xornada sobre o dereito cidadán á boa Administración que será impartida por Jaime Rodríguez-Arana, catedrático de Dereito Administrativo da Universidade da Coruña.

A Escola Galega de Administración Pública convoca 173 actividades e 6923 prazas correspondentes ao primeiro semestre do ano 2023 para o persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional.

A Escola Galega de Administración Pública, a través dun convenio de colaboración subscrito coa Axencia para a Modernización Tecnolóxica de Galicia, convoca un curso dirixido aos delegados de protección de datos persoais do sector público autonómico e órganos estatutarios da Comunidade Autónoma de Galicia, co obxectivo de que coñezan en profundidade os principais aspectos da protección de datos persoais no ámbito das administracións públicas.

A Escola Galega de Administración Pública, a través dun convenio de colaboración con Cualtis, S.L.U., convoca cursos en prevención de riscos laborais en Ferrol e na Coruña.

A Escola Galega de Administración Pública, en colaboración coa Axencia para a Modernización Tecnolóxica de Galicia, convoca para o próximo 14 de marzo unha xornada que abordará o uso de certificados dixitais na Xunta de Galicia cunha dobre perspectiva: – Uso interno nas administracións públicas: certificados de empregado público, certificados de selo electrónico para actuacións administrativas automatizadas e portasinaturas corporativo. – Cidadanía: sede electrónica da Xunta de Galicia. Proxecto Chave365. Sala electrónica de sinaturas.