Novas

De acordo co convenio de colaboración subscrito entre a Escola Galega de Administración Pública e o Instituto Galego de Seguridade e Saúde Laboral (Issga), convócase un curso en materia de prevención de riscos laborais dirixido ao persoal empregado público, persoas traballadoras por conta allea ou autónomos/as, empresarios/as e aquelas persoas con inquietudes no ámbito da prevención de riscos laborais.

A Escola Galega de Administración Pública convoca, en colaboración coa Axencia para a Modernización Tecnolóxica de Galicia, un curso en teleformación dirixido ao persoal delegado de protección de datos nomeado (en diante, DPD), incluíndo o que teña a condición de suplente ou cuxo nomeamento estea previsto a curto prazo, na Administración xeral da Xunta de Galicia, no sector público autonómico e órganos estatutarios, así como aquel persoal que colabore habitualmente cos delegados/as de protección de datos nomeados, formando parte do equipo de apoio a estes/as, nos ámbitos indicados anteriormente.

A Xunta de Galicia ten previsto incrementar durante o próximo semestre as actividades formativas para persoal empregado público sobre xestión de fondos europeos e protección de datos persoais.

Esta mañá reuniuse na EGAP o consello editorial da Revista Galega de Administración Pública (Regap) coa finalidade de aprobar o contido do número 63.

A Directiva (UE) nº 2019/1937 do Parlamento Europeo e do Consello, do 23 de outubro de 2019, relativa á protección das persoas que informen sobre infraccións do dereito da Unión, abriu un período de adaptación normativa e executiva que tiña como finalidade incorporar as súas previsións, previsións que o sector público debería cumprir antes do 17 de decembro de 2021.

Un dos instrumentos substantivos do sistema institucional deseñado para a protección do denunciante é a posta en marcha de canles internas efectivas para a tramitación das denuncias, poñendo en marcha as vías adecuadas para a súa tramitación e garantindo a protección do denunciante.

A directiva establece as normas mínimas para que os Estados membros introduzan e manteñan as disposicións que sexan máis favorables, polo que os distintos niveis da Administración deben regular o seu deseño e adopción dentro do marco de integridade institucional. Neste sentido, este webinario pretende dar a coñecer o contido da Directiva e o Plan de prevención de riscos de xestión que adoptou a Comunidade Autónoma de Galicia a finais do ano 2021 e que está plenamente vixente.