Novas

A Escola Galega de Administración Pública convoca 55 edicións e 2380 prazas en materia de idiomas para o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos (PAS) das universidades do Sistema universitario de Galicia.

A Escola Galega de Administración Pública convoca 10 actividades de formación continua e 490 prazas correspondentes á programación do primeiro semestre do Instituto de Economía Pública de Galicia. 

A Escola Galega de Administración Pública, a través dun convenio de colaboración co Instituto Galego de Seguridade e Saúde Laboral, convoca cursos de prevención de riscos laborais en teleformación dixiridos aos/as empregados/as públicos/as, traballadores/as por conta allea ou autónomos/as, empresarios/as e aquelas persoas con inquietudes no ámbito da prevención de riscos laborais.

A Escola Galega de Administración Pública convoca 2.000 prazas na modalidade de teleformación para as actividades do Plan formativo ofimático de Galicia, desenvolvido xunto coa Axencia para Modernización Tecnolóxica de Galicia. 

O próximo 22 de febreiro terá lugar un webinario dirixido a dar a coñecer a recente Lei 1/2022, do 12 de xullo, de mellora da xestión do ciclo integral da auga, que vén completar o marco normativo vixente en materia de augas naComunidade Autónoma de Galicia. Esta lei, que aborda por primeira vez a xestión do ciclo integral da auga no territorio galego, ditouse co obxecto de establecer unha regulación que reforza o apoio aos concellos nas súas competencias de abastecemento, saneamento e depuración das augas, e crear un novo modelo de xestión que pretende garantir a calidade dos servizos aos cidadáns, a eficiencia na explotación das infraestruturas e a viabilidade económica dos sistemas.