Novas

Mediante o convenio de colaboración asinado entre a EGAP e o Issga convócanse dous cursos de prevención de riscos laborais, un xeral e outro específico sobre actividades de tempo libre, dirixido ao persoal empregado público, ás persoas que traballen por conta allea ou como autónomos, aos empresarios e a aquelas persoas con inquietudes no ámbito da prevención de riscos laborais.

A EGAP, en colaboración coa Consellería de Cultura, Educación e Universidade -a través da Secretaría Xeral de Política Lingüística- convoca cursos de linguaxe administrativa e xurídica galega tanto para persoal ao servizo das distintas administracións da Comunidade Autónoma de Galicia coma para persoal ao servizo da Administración de xustiza que preste servizos fóra da Comunidade Autónoma de Galicia.

A escola convoca no DOG do 1 de febreiro as actividades de formación continua en materia de idiomas para o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos (PAS) das universidades do Sistema universitario de Galicia.

O DOG do 25 de xaneiro publica a convocatoria das actividades formativas que compoñen o Plan formativo ofimático de Galicia desenvolvido pola EGAP xunto coa Axencia para a Modernización Tecnolóxica de Galicia. Os cursos van dirixidos ao persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos (PAS) das universidades do Sistema universitario de Galicia (SUG).

(ACTIVIDADE ADIADA) A EGAP convoca en colaboración coa Axencia para a Modernización Tecnolóxica de Galicia e no marco da iniciativa Universo EGAP Innova, as XII e XIII Xornadas de formación práctica dixital (E-martes) para os días 2 e 16 de febreiro, que terán lugar de xeito individual.