Novas

O próximo 3 de decembro terá lugar na EGAP a III Xornada de formación práctica dixital (E-martes), centrada nos sistemas para a contratación pública: Portal contratos de Galicia. Licitación electrónica SILEX. Xestión de expedientes de contratación PLATION. Este contido adaptarase aos dous grupos de persoas a que vai dirixida a actividade, e constará dunha introdución xurídica (común) e posterior práctica nas aulas de informática da escola.

A EGAP convoca para os días 2 e 3 de decembro un curso monográfico co obxectivo de dar a coñecer os aspectos xerais dos sistemas de integridade no sector público (conceptos de integridade e corrupción, políticas de integridade, modelos de prevención da corrupción e sistemas de xestión de cumprimento) xunto con aspectos máis técnicos vinculados á xestión de riscos nas administracións públicas.

A EGAP convoca un curso monográfico para os días 20, 21, 26, 27 e 28 de novembro no que se traballará co sistema de crenzas e valores tales como o respecto, a tolerancia e a empatía, enfocados a mellorar o igual desenvolvemento do alumnado, o empoderamento e a súa auto-percepción, como elementos fundamentais para a prevención da violencia de xénero.

A través do convenio de colaboración entre a Escola Galega de Administración Pública e a Federación de Empregados e Empregadas dos Servizos Públicos de Galicia convócase un curso online sobre permisos de corresponsabilidade nos coidados familiares para a igualdade, coa finalidade de visibilizar a necesidade dunha repartición equilibrada dos coidados e tarefas no ámbito da vida persoal, familiar e laboral, e por outro, fomentar a corresponsabilidade nas traballadoras e traballadores da Administración pública de Galicia.

De acordo co Convenio de colaboración subscrito entre a Escola Galega de Administración Pública e Cualtis, S.L.U. convócanse dúas edicións do curso prevención de riscos laborais: primeiros auxilios, loita contra incendios e evacuación dirixidas ao persoal que preste servizo no Pazo de Xustiza de Ourense.