Novas

A Escola Galega de Administración Pública convoca unha bolsa de formación dirixida a persoas que remataran o grao ou licenciatura en Dereito con posterioridade a xaneiro de 2014. 

A EGAP organiza a XXIII edición do Premio Manuel Colmeiro co gallo de fomentar e distinguir traballos de investigación que teñan como obxecto a Administración pública de Galicia desde calquera perspectiva (histórica, xurídica, administrativa, política, sociolóxica ou económica). 

A EGAP convoca cursos de linguaxe administrativa e xurídica galega tanto para persoal ao servizo das distintas administracións da Comunidade Autónoma de Galicia coma para persoal ao servizo da Administración de xustiza que preste servizos fóra da Comunidade Autónoma de Galicia.

O 20 de febreiro, en horario de mañá e tarde, terá lugar na EGAP unha xornada dirixida a dotar ao alumnado dos coñecementos e competencias necesarias para previr situacións de discriminación, culpabilización e/ou aporofobia que se poidan dar por mor dos prexuízos e os estereotipos no marco da Administración pública cara a persoas en situación de pobreza e/ou exclusión social.

O próximo 4 de febreiro terá lugar na EGAP unha actividade formativa, dirixida tanto a empregados públicos coma á cidadanía, que constará dunha introdución xurídica (común) e posterior práctica nas aulas de informática da escola.