Novas

A EGAP amplía ata o 27 de febreiro o prazo de matrícula para a VI Xornada de formación práctica dixital (e-martes), dedicada ao Rexistro electrónico da Xunta de Galicia e que poderá ser cursada tanto polo persoal empregado público da Administración autonómica como pola cidadanía.

A EGAP convoca no DOG do 24 de febreiro un curso superior sobre xestión de entidades deportivas que terá lugar os días 10, 17, 24 e 31 de marzo e 14, 21 e 28 de abril en Santiago de Compostela.

A EGAP convoca 40 edicións formativas e 2000 prazas das materias que compoñen o plan formativo ofimático de Galicia, dirixidas ao persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos (PAS) das universidades do Sistema universitario de Galicia (SUG).

A EGAP, en colaboración coa Amtega, convoca para o próximo 3 de marzo un novo e-martes dedicado ao Rexistro electrónico da Xunta de Galicia e que poderá ser cursado tanto polo persoal empregado público da Administración autonómica como pola cidadanía.

A Escola convoca no DOG do 20 de febreiro un total de 47 edicións formativas e 1770 prazas en materia de idiomas dirixidas ao persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos das universidades galegas.