A directora da Escola Galega de Administración Pública, Sonia Rodríguez-Campos, informou esta mañá sobre as actividades do organismo no 2017 e anunciou o programa previsto para o próximo ano.
Esta tarde reuníronse na EGAP os membros do consello de redacción da Revista Galega de Administración Pública (Regap), publicación dirixida por Sonia Rodríguez-Campos, para aprobar os contidos do número 54 (xullo-decembro 2017).
▪ A EGAP acolle hoxe e mañá un curso monográfico sobre a nova Lei de contratos do sector público ao que asisten 400 empregados públicos
▪ Sonia Rodríguez-Campos destacou que a nova lexislación permitirá simplificar os trámites, facilitar a participación das pequenas e medianas empresas e propiciar que as administracións públicas a empreguen para lograr obxectivos sociais comúns
A EGAP convoca para os días 19 e 20 de decembro un curso monográfico sobre a nova Lei de contratos do sector público co fin de analizar as principais modificacións introducidas por esta norma e propiciar o debate ao redor daqueles aspectos máis innovadores e relevantes dende o punto de vista xurídico e da xestión pública.