Novas

A EGAP convoca, en colaboración coa Axencia para a Modernización Tecnolóxica de Galicia e no marco da iniciativa Universo EGAP Innova, unha nova xornada de formación práctica dixital sobre notificacións electrónicas que terá lugar o martes 14 de febreiro. 

A EGAP iniciou esta mañá o foro Diálogos sobre innovación e competitividade no sector público e no sector privado, no marco das actividades do Instituto de Economía Pública de Galicia (IEP), coa conferencia “A Administración dixital e as implicacións da dixitalización no sector privado” impartida polo catedrático de Ciencia Política e da Administración da Universidade Rey Juan Carlos e Administrador Civil do Estado, Manuel Arenilla, e o director de Procesos Dixitais e Axilidade Operativa en ABANCA, Pablo Mateo.

A Escola Galega de Administración Pública, no marco do Instituto de Economía Pública de Galicia, convoca para o 27 de xaneiro a conferencia A administración dixital coa finalidade analizar os efectos da transformación dixital nas organizacións públicas.

O próximo 26 de xaneiro terá lugar un webinario dirixido a dar a coñecer as importantes novidades introducidas no emprego público laboral a raíz do Real decreto lei 32/2021, do 28 de decembro, de medidas urxentes para a reforma laboral, a garantía da estabilidade no emprego e a transformación do mercado de traballo, e da Lei 20/2021, do 28 de decembro, de medidas urxentes para a redución da temporalidade no emprego público, así como atender aos últimos pronunciamentos xudiciais en materia de persoal ao servizo das administracións públicas.

O papel do dereito administrativo e da Administración pública evolucionou desde a súa orixe coas revolucións constitucionalistas de finais do século XVIII ata a actualidade. Tras unha tripla crise (económica, sanitaria e bélica) nesta segunda década do século XXI asistimos a unha nova etapa do Estado garante: a Administración «facilitadora», que debe esforzarse por apoiar e simplificar as actividades do sector privado, redundando con iso tamén na consecución dos intereses públicos. No relatorio expoñeranse múltiples exemplos e manifestacións desta nova posición da Administración e do mercado, que xa non poden verse como inimigos, senón como aliados, así como outros desafíos relevantes da Administración no mundo contemporáneo.