Novas

En colaboración coa Axencia para a Modernización Tecnolóxica de Galicia e no marco da iniciativa Universo EGAP Innova, a EGAP convoca unha nova xornada de formación práctica dixital (E-martes) sobre o Rexistro Electrónico na Xunta de Galicia que terá lugar o 13 de decembro.

A Escola Galega de Administración Pública, no marco do ciclo de conferencias sobre Presente e futuro do emprego público na Administración pos-COVID, o webinario O inaprazable reto da remuda xeracional da función pública no marco dos desafíos do sector público na terceira década do século XXI, que terá lugar o día 24 de novembro e será impartido por Rafael Jiménez Asensio.

A Escola Galega de Administración Pública, en colaboración coa Axencia para a Modernización Tecnolóxica de Galicia e no marco da iniciativa Universo EGAP Innova, convoca para o 8 de novembro unha nova xornada de formación práctica dixital sobre sistemas para a contratación pública.

A directora da Escola Galega de Administración Pública (EGAP), Sonia Rodríguez-Campos, puxo hoxe en valor a importancia dunha formación actualizada e de calidade dos empregados públicos nos fondos europeos de recuperación Next Generation para xestionalos con eficacia e eficiencia. “Os fondos comunitarios supoñen unha oportunidade extraordinaria para recuperar a senda do crecemento e, ademais, para impulsar unha modernización da economía española mediante un proceso de transformación estrutural que nos permita, a longo prazo, un desenvolvemento máis sostible e resiliente desde o punto de vista financeiro, social, territorial e ambiental”, apuntou.

Seguindo as premisas da normativa europea, o Consello da Xunta de Galicia aprobou o 12 de decembro de 2019 a Estratexia galega de economía circular 2020-2030. Posteriormente, a Lei 6/2021, do 17 de febreiro, de residuos e solos contaminados de Galicia, incorpora como principios inspiradores a economía circular e a loita contra o cambio climático. Este webinario quere dar a coñecer a citada e lei, que ten por obxecto, ademais de regular o réxime xurídico dos solos contaminados, a regulación da produción e xestión sostible dos residuos, potenciando medidas que preveñan a súa produción e diminúan os impactos adversos sobre a saúde humana e o ambiente, vencellados á súa xeración e xestión, ao tempo que se fomenta o uso sustentable dos recursos e a transición a unha economía circular e baixa en carbono no territorio de la Comunidad Autónoma de Galicia.