Novas

A Escola convoca no DOG do 20 de febreiro un total de 47 edicións formativas e 1770 prazas en materia de idiomas dirixidas ao persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos das universidades galegas. 

De acordo co convenio de colaboración subscrito entre a Escola Galega de Administración Pública e o Instituto Galego de Seguridade e Saúde Laboral convócanse dous cursos de prevención de riscos laborais nivel básico na modalidade de teleformación. 

A EGAP convoca cursos de linguaxe administrativa e xurídica galega tanto para persoal ao servizo das distintas administracións da Comunidade Autónoma de Galicia coma para persoal ao servizo da Administración de xustiza que preste servizos fóra da Comunidade Autónoma de Galicia.

De acordo co convenio de colaboración subscrito entre a Escola Galega de Administración Pública e o Instituto Galego do Consumo e da Competencia para o desenvolvemento de actividades de formación, divulgación e investigación convócanse cinco cursos para o persoal do Instituto Galego do Consumo e da Competencia; da Dirección Xeral de Xuventude, Participación e Voluntariado; dos espazos xoves; e das OMIX e OMIC. 

A través do convenio de colaboración subscrito entre a Escola Galega de Administración Pública e o Concello de Pontevedra convócase o curso de inglés, niveis Básico e Intermedio, para o persoal do Concello de Pontevedra.