Novas

A Escola Galega de Administración Pública acolleu esta tarde a primeira das sesións do curso superior sobre Dereito de patentes que durante as próximas semanas cursarán 34 persoas para obter coñecementos específicos sobre esta materia.

A Escola Galega de Administración Pública convoca un curso sobre creatividade co obxectivo de desenvolver esta capacidade nos participantes e a súa capacidade para xerar cambios innovadores na súa realidade laboral. Traballaranse técnicas, procesos e estratexias que facilitan a creatividade e proporanse situacións que requiran de reflexión, argumentación e interacción, permitindo así o adestramento en destrezas para a comunicación positiva e para a relación interpersoal.

A Escola Galega de Administración Pública convoca o curso superior Introdución ás axendas urbanas: das estratexias de desenvolvemento urbano sustentable e integrado ás axendas urbanas (DUSI). Novas oportunidades para as entidades locais galegas.

A Escola Galega de Administración Pública, en colaboración co Concello de Pontevedra, convoca un curso sobre transparencia e Administración electrónica dirixido ás persoas que ocupen os postos de habilitación nacional correspondentes á Secretaría, Intervención e Tesouraría, o persoal directivo e o restante persoal empregado público que preste servizo no Concello de Pontevedra e no seu organismo autónomo e na Deputación Provincial de Pontevedra.

A EGAP convoca un curso presencial de 50 horas sobre o dereito de patentes, coa finalidade principal de ofrecer coñecementos específicos sobre a protección das invencións a través do dereito de patentes e dos modelos de utilidade.