Novas

Dentro da iniciativa Universo EGAP innova, a EGAP convoca no DOG do venres 20 de setembro o primeiro dos E-martes, un proxecto de formación práctica dixital que ten como finalidade facilitar a implantación da Administración electrónica e fomentar cambios substanciais nos procedementos de traballo e de xestión por competencias.

A Escola Galega de Administración Pública e a Consellería de Medio Ambiente, Territorio e Vivenda convocan un curso de formación sobre o Plan de xestión de emerxencias para persoal de parques naturais que terá lugar en Maceda o próximo 9 de outubro. 

A Escola Galega de Administración Pública, en colaboración co Colexio Oficial de Arquitectos de Galicia (COAG), convoca unha nova edición do curso superior de técnico de urbanismo que dará comezo o próximo 10 de outubro. 

A Escola Galega de Administración Pública convocará proximamente no DOG o proxecto "Universo EGAP innova", unha inciativa multidisciplinar e transversal que se desenvolve co obxectivo principal de contribuír á innovación e ao cambio nas administración públicas a través de novas prácticas formativas que implican a participación do alumnado, a autoxestión da aprendizaxe e a identificación de novas oportunidades.

A través do convenio de colaboración subscrito entre a Central Sindical Independente e de Funcionarios de Galicia (CSIF Galicia) e a Escola Galega de Administración Pública convócase un cursopresencial de prevención de riscos laborais para o persoal dos servizos de prevención e defensa de incendios forestais.