Novas

De acordo co convenio de colaboración subscrito entre a Escola Galega de Administración Pública e o Instituto Galego de Seguridade e Saúde Laboral (Issga) convocan un curso de prevención de riscos laborais nivel básico para persoal empregado público, traballador por conta allea ou autónomo, empresario e persoa con inquietudes no ámbito da prevención de riscos laborais. 

A Escola Galega de Administración Pública convoca, no DOG do 15 de marzo, un curso superior sobre elaboración, xestión e avaliación de estratexias integradas de desenvolvemento urbano sustentable coa finalidade de dar a coñecer os obxectivos das políticas europeas en materia de desenvolvemento urbano e territorial, profundar na necesidade de incorporar esta visión e obxectivos estratéxicos da EE2020 na planificación municipal galega e aplicar ferramentas de xestión de fondos europeos a través das estratexias DUSI.

A EGAP convoca no DOG do 7 de marzo 29 edicións formativas e 1270 prazas dirixidas ao persoal empregado público das entidades locais galegas así como ao persoal funcionario con habilitación de carácter nacional que estean prestando servizos noutras administracións públicas.

A EGAP convoca no DOG do 2 de marzo un total de 26 edicións formativas destinadas aos empregados/as públicos/as e membros das bolsas de interinos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia.

A EGAP convoca no DOG do 2 de marzo o II Curso superior de inspección ambiental, o cal aborda, desde unha perspectiva práctica, as modificacións normativas que tiveron lugar desde a realización do I curso no ano 2014, no ámbito da inspección ambiental, así como no do traslado de residuos transfronteirizos.