Novas

De acordo co convenio de colaboración subscrito entre a Escola Galega de Administración Pública e Cualtis, S.L.U., para o desenvolvemento de actividades de formación, divulgación e investigación, convócanse cursos de prevención de riscos laborais en primeiros auxilios, loita contra incendios e evacuación dirixidos ao persoal que presta servizos nos seguintes centros administrativos de Lugo, Santiago de Compostela e Pontevedra.

Ademais de continuar realizando unha oferta formativa conxunta para todos os colectivos de empregados públicos, este ano descentralízanse as probas de avaliación das actividades deste programa.

A EGAP e a Axencia Galega de Innovación (Gain) organizan unha actividade formativa cun programa teórico-práctico que lle permitirá ao persoal que participa activamente nos procesos de contratación pública obter o coñecemento e as ferramentas necesarias para levar á práctica con éxito os procesos de compra pública innovadora (CPI) nos seus respectivos departamentos.

A través do convenio de colaboración subscrito entre a Escola Galega de Administración Pública e o Consello Consultivo de Galicia para o desenvolvemento de actividades de formación, divulgación e investigación, convócase un curso práctico sobre responsabilidade patrimonial das entidades locais para empregados/as públicos/as das entidades locais e do sector público autonómico de Galicia.

De acordo co Convenio de colaboración subscrito entre a EGAP e o Instituto Galego do Consumo e da Competencia (IGCC) para o desenvolvemento de actividades de formación, divulgación e investigación, convócase un curso de actuación normativa en materia de arbitraxe de consumo destinado ao persoal do Instituto Galego do Consumo e da Competencia