Novas

A EGAP convoca no DOG do 7 de febreiro un curso presencial de 45 horas de duración sobre a nova lexislación administrativa básica dirixido preferentemente ao persoal empregado público das administracións públicas de Galicia.

A través do convenio de colaboración subscrito entre a Escola Galega de Administración Pública e o Consello Consultivo de Galicia convócanse o Curso práctico sobre responsabilidade patrimonial das entidades locais e o Curso sobre os recursos administrativos na nova Lei 39/2015, do 1 de outubro.

Grazas ao convenio de colaboración subscrito entre a Escola Galega de Administración Pública e o Parlamento de Galicia convócase un curso sobre a aplicación informática de xestión parlamentaria Ágora destinado ao persoal empregado público do Parlamento de Galicia.

A EGAP organiza para os días 24, 25 e 26 de xaneiro o curso monográfico A planificación estratéxica como método de xestión pública coa finalidade de analizar os aspectos máis destacados da planificación estratéxica e da dirección por obxectivos. 

A EGAP convoca para os días 19 e 20 de decembro un curso monográfico sobre a nova Lei de contratos do sector público co fin de analizar as principais modificacións introducidas por esta norma e propiciar o debate ao redor daqueles aspectos máis innovadores e relevantes dende o punto de vista xurídico e da xestión pública.