Novas

O conselleiro de Medio Ambiente, Agustín Hernández, e a directora da Escola Galega de Administración Pública, Sonia Rodríguez-Campos, inauguraron na sede da EGAP o Curso sobre procedemento expropiatorio: criterios e métodos de valoración empregados polo Xurado de Expropiación de Galicia.

Esta mañá a directora da Escola Galega de Administración Pública (EGAP), Sonia Rodríguez-Campos, e a presidenta da Coordinadora Galega de ONG para o Desenvolvemento, Gema Filgueira Garrido, asinaron un convenio que fará posible a colaboración entre as dúas entidades.

De acordo co convenio de colaboración subscrito entre a Escola Galega de Administración Pública e a Secretaría Xeral da Igualdade para o desenvolvemento de actividades de formación, divulgación e investigación, convócanse dous cursos de formación sobre a violencia contra as mulleres con discapacidade, un para o persoal da Administración autonómica e outro para o da local.

A directora da Escola Galega de Administración Pública, Sonia Rodríguez-Campos, clausurou esta mañá na sede da EGAP o Curso de formación de procuradores dos tribunais para o Máster universitario en procuradoría. A este acto tamén asistiron Juan José Martín, director xeral de Xustiza; José Ángel Pardo, presidente do Consello Galego de Procuradores; e Lotario Vilaboy, director da Escola de Práctica Xurídica de Santiago de Compostela.

Esta mañá a directora da Escola Galega de Administración Pública (EGAP), Sonia Rodríguez-Campos, e o presidente do Colexio Territorial de Secretarios, Interventores e Tesoureiros de Administración Local de Pontevedra (Cosital), José Carlos Castiñeira, asinaron un convenio de colaboración que fará posible desenvolver actividades de maneira conxunta.