Novas

A Escola Galega de Administración Pública (EGAP) convoca no DOG núm. 233, do 7 de decembro de 2012, o IV Curso de Formación en Administración Local; unha actividade formativa realizada en colaboración coa Dirección Xeral de Administración Local, a Federación Galega de Municipios e Provincias e o Colexio de Enxeñeiros de Camiños, Canais e Portos de Galicia.

O DOG núm. 231, do 4 de decembro, publica a resolución pola que se convocan cursos de linguaxe xurídica galega para o persoal ao servizo da Administración de xustiza que presten os seus servizos fóra da Comunidade Autónoma de Galicia.

Responsables do Instituto Nacional de Administración Pública, da Escola Galega de Administración Pública e das catro deputacións provinciais reuníronse hoxe en Santiago de Compostela para establecer un marco de colaboración e coordinación en materia formativa.

Ao amparo do disposto na base 14 da Resolución do 4 de xullo de 2012 (DOG nº 136, do 17 de xullo) pola que se convoca o I Curso de Formación en Administración local, faise pública a cancelación deste curso.

O profesor Manuel Atienza, catedrático de Filosofía do Dereito da Universidade de Alicante, ofrecerá o próximo venres un relatorio que se poderá seguir por videoconferencia desde a EGAP.