Novas

A Escola Galega de Administración Pública, ao abeiro do nstituto de Economía Pública de Galicia, convoca un taller na modalidade de telepresenza co obxectivo principal de abordar a avaliación das políticas públicas, tanto desde un punto de vista teórico como práctico.

A Escola Galega de Administración pública convoca, en colaboración coa Consellería de Cultura, Educación, Formación Profesional e Universidades, a través da Secretaría Xeral de Política Lingüística, un curso superior e un curso medio de linguaxe xurídica galega na modalidade de teleformación. Ambas as actividades van dirixidas ao persoal ao servizo da Administración de xustiza que preste servizos fóra da Comunidade Autónoma de Galicia.

A EGAP convoca, no marco do Ciclo de conferencias sobre presente e futuro do emprego público na Administración pos-COVID, un webinario dirixido a analizar a figura do directivo público profesional, escasamente desenvolvida en España a partir das previsións do Estatuto básico do empregado público, expoñendo a recente regulación da figura nalgunhas comunidades autónomas e no dereito comparado. Así mesmo, apuntaranse as claves de conformación dun estatuto do directivo profesional a partir das recomendacións da OCDE.

A Escola Galega de Administración Pública celebrou esta mañá o acto conmemorativo do Día das Letras Galegas en homenaxe ao tradutor, novelista, historiador, xornalista, ensaísta e editor Francisco Fernández del Riego.

A Escola Galega de Administración Pública, en colaboración con Cualtis SLU, convoca cursos de formación en prevención de riscos laborais dirixidos en exclusiva ao persoal dos equipos de alarma e evacuación; de primeira intervención e de primeiros auxilios, así como o persoal que desempeñe a xefatura de emerxencia e/ou primeira intervención, do Centro de Novas Tecnoloxías de Galicia, da Axencia Galega de Innovación e da Residencia de Maiores de Marín.