Novas

A EGAP convoca para o próximo 29 de outubro un webinario co obxectivo de tomar coñecemento das últimas novidades na aplicación da normativa de protección de datos a partir da emerxencia sanitaria derivada da pandemia COVID-19 e analizar o impacto das medidas adoptadas sobre os dereitos recollidos na devandita normativa.

Esta mañá tivo lugar na EGAP a xornada Protección de datos a partir da pandemia Covid-19, na que participaron 60 empregadas e empregados públicos. A actividade foi organizada co fin de tomar coñecemento das últimas novidades na aplicación da normativa de protección de datos a partir da emerxencia sanitaria derivada da pandemia COVID-19 e analizar o impacto das medidas adoptadas sobre os dereitos contemplados en dita normativa.

A EGAP, en colaboración coa Amtega, convoca para o vindeiro 6 de outubro un novo e-martes sobre os sistemas para a contratación pública (portal Contratos de Galicia. Licitación electrónica Silex. Rexistro Xeral de Contratistas. Sistema electrónico de facturación). Este contido adaptarase aos dous grupos de persoas a que vai dirixida a actividade e constará dunha introdución xurídica (común) e posterior práctica nas aulas de informática da Escola.

A EGAP, en colaboración co Colexio Oficial de Enxeñeiros Técnicos Forestais de Galicia, convoca tres actividades en telepresenza destinadas ao persoal laboral da Administración pública da Comunidade Autónoma, das entidades públicas instrumentais e das entidades locais na área de incendios forestais así como a outros profesionais e interesados/as na área de incendios forestais da Comunidade Autónoma de Galicia. 

Esta mañá a Escola Galega de Administración Pública (EGAP) acolleu a primeira sesión presencia do Curso superior de administración electrónica, unha actividade dirixida a afondar, desde unha perspectiva técnico-xurídica, nesta materia, incidindo na importancia que ten a súa implantación nas distintas administracións da nosa comunidade. Esta formación de carácter semipresencial terá unha duración de 114 horas e vai dirixida en exclusiva ao persoal empregado público de Galicia.