Novas

A EGAP actualiza o protocolo para o restablecemento da actividade formativa presencial da EGAP así como para o uso específico que das súas aulas realicen outros organismos da Xunta de Galicia que garanta a prevención dos riscos por contaxio polo coronavirus.

A través dun convenio asinado entre a Escola Galega de Administración Pública e a Vicepresidencia segunda e Consellería de Economía, Empresa e Innovación, a EGAP convoca un curso na modalidade de telepresenza sobre transparencia administrativa e acceso á información pública.

O pasado 21 de xaneiro a EGAP convocou o premio de literatura infantil e xuvenil do Día das Letras Galegas como homenaxe ao escritor Ricardo Carvalho Calero. Neste certame participaron máis de 160 rapazas e rapaces galegos de entre 9 e 14 anos que remitiron os seus contos á Escola.

O próximo 3 de novembro terá lugar na EGAP unha actividade formativa, dirixida tanto a empregados públicos coma á cidadanía, que constará dunha introdución xurídica (común) e posterior práctica nas aulas de informática da escola.

Despois do éxito da primeira edición, impartida o pasado mes de xuño, a EGAP volve convocar este curso monográfico coa finalidade de familiarizar o alumnado cos conceptos e procesos básicos da innovación social, con especial atención á súa relevancia, aplicación e particularidades no sector público, entendendo por innovación social o deseño e posta en práctica de novas solucións (modelos, produtos, servizos e políticas) que permitan responder mellor que coas xa existentes a determinados retos sociais.