Novas

A Escola Galega de Administración Pública (EGAP) iniciou esta mañá o curso superior “Introdución ás axendas urbanas: das estratexias de desenvolvemento urbano sostible ás axendas urbanas. Novas oportunidades para as entidades locais galegas”, unha formación de 35 horas lectivas que ten como finalidade dar a coñecer entre o persoal empregado público o novo escenario de axendas para as cidades, vinculado aos obxectivos de sostibilidade reflectidos na Axenda 2030.

A Escola Galega de Administración Pública acolleu esta tarde a primeira das sesións do curso superior sobre Dereito de patentes que durante as próximas semanas cursarán 34 persoas para obter coñecementos específicos sobre esta materia.

A Escola Galega de Administración Pública convoca un curso sobre creatividade co obxectivo de desenvolver esta capacidade nos participantes e a súa capacidade para xerar cambios innovadores na súa realidade laboral. Traballaranse técnicas, procesos e estratexias que facilitan a creatividade e proporanse situacións que requiran de reflexión, argumentación e interacción, permitindo así o adestramento en destrezas para a comunicación positiva e para a relación interpersoal.

A EGAP convoca unha xornada para o próximo 8 de outubro coa finalidade de dar a coñecer a situación legal dos activos intervidos xudicialmente no marco dos procedementos penais así como as distintas ferramentas e posibilidades de xestión, administración e realización que se atopan ao dispor das unidades xudiciais, coa finalidade de optimizar a xestión dos ditos patrimonios.

A Escola Galega de Administración Pública convoca o curso superior Introdución ás axendas urbanas: das estratexias de desenvolvemento urbano sustentable e integrado ás axendas urbanas (DUSI). Novas oportunidades para as entidades locais galegas.