Novas

A través do convenio de colaboración entre a Escola Galega de Administración Pública e a Federación de Empregados e Empregadas dos Servizos Públicos de Galicia convócase un curso online sobre permisos de corresponsabilidade nos coidados familiares para a igualdade, coa finalidade de visibilizar a necesidade dunha repartición equilibrada dos coidados e tarefas no ámbito da vida persoal, familiar e laboral, e por outro, fomentar a corresponsabilidade nas traballadoras e traballadores da Administración pública de Galicia.

De acordo co Convenio de colaboración subscrito entre a Escola Galega de Administración Pública e Cualtis, S.L.U. convócanse dúas edicións do curso prevención de riscos laborais: primeiros auxilios, loita contra incendios e evacuación dirixidas ao persoal que preste servizo no Pazo de Xustiza de Ourense.

O obxectivo principal desta xornada é informar o persoal técnico responsable de proxectos e obras de edificación sobre as próximas modificacións do Código técnico de edificación (CTE), que afectan algúns dos seus documentos básicos e que supoñen a actualización das referencias normativas destes.

A Escola Galega de Administración Pública convoca as probas de avaliación das actividades do programa de formación para o posto de traballo do persoal empregado público da Administración de xustiza de Galicia.

A Escola Galega de Administración Pública (EGAP) iniciou hoxe o curso monográfico “Detección e intervención ante a violencia de xénero nos centros de maiores, centros de día e servizos de axuda a domicilio”. Esta formación especializada, de 15 horas de duración, servirá para formar a 50 empregadas e empregados públicos para detectar e abordar a violencia de xénero en mulleres maiores ou dependentes, tanto en centros prestadores de servizos sociais coma en servizos de atención domiciliaria. Á inauguración do curso asistiron a secretaria xeral de Igualdade, Susana López Abella, e a directora da EGAP, Sonia Rodríguez-Campos.